حب

بكتبلك شعر بعيوني يا أجمل مخلوقة بدنيتي وبحفر عَ رمشاتك لوني وبلوّن حبّك بضحكتي إنتِ القمر ضاوي كوني والليل بوجهك غفى ونام وجبينِك تاج مرصّع ماس مرسوم بسطور العتَام شو بَحكي عن سحرك قولي؟ عن صوتِك نَغَم بغنّيلو؟ عن خدّك وردي مطرّزة؟ عن رمشك غصن بحنّيلو؟ عيونك قصيدة معمولة من طلّة يوسف بزمانو وسحرك آية منزولة تبقى مضويي بكل أوانو إنتِ العصفورة المدهونة بلون الميّ ودفا الشمس وشفايفك كاسات التوت، كاس بحكي وكاس بيهمس وبين الخصر وبَين اللولو صاغو الموجة من خصرك ومن كفوفِك وردو الفُلّ ومندى الحنّة من عطرك إنتِ النسمة المجبولة برائحة الزهر وعطر الليل وأحلى من الزنبق…

بدي احكي كلمة من قلب موجوع عن حبّ طاهر ما بيعرف الخداع والدموع قلتي عني كذّاب، وقلبي فيك مش مخلص وانا بحبك أكتر من روحي وما يوم نقّص أنا شغلي أخدني، والهمّ حملته بإيدي ركضت ورا لقمة العيش ونسيت حالي مش بإيدي مش لأنّي نسيتك أو قلبي عنك تاب بس كنت عم بني مستقبل لعيونك يا أعز الأحباب انتي قلتي المال سرقني وصرتي تعتبيني وما شوفتي جرحي ووحدتي وأنتِ جوّاتي ساكنيني أنا تعبت كرمال حبّنا وما بدّي إلا رضاكِ وأنا لو بدي الدنيا، ما بتغلى لحظة لولاكِ الذهب اللي بتفكريه غاية وهدف للحياة هو وسيلة عيش، بس الحبّ هو النجاة…

صباحك ورد وعطر وخيرات يا شمسي إنتِ ويا نجمات إنتِ النور اللي بيلمع فيّي وإنتِ العشق وكل الآهات فتّح الورد عَ صوتك غنّى وقال الصبح بحلاكي جنّى يا فرحة عمري وحلم سنيني يا قمرة بالسما مسكنّى يا ريحة الندى وعطر التين يا سحر الموج ببحر الحنين كل لحظة بوعى وبقلك فيها صباحك حب وورد وياسمين يا قلب الدني ويا تاج العمر إنتِ الحب بقلبي نُقِش بالحجر ضحكتك نور، وصوتك وتر وإنتِ البسمة بأيام القهر بقلم حيدر الحسيني